- Набор и обучение
- Обучение детей в Академии
- Тренировочные сборы для детей

Җыеннар программасы

Укыту-тренировка җыеннары программасы Академиянең Фәнни-методик үзәге тарафыннан эшләнә. Ул 10-17 яшьлек хоккейчыларны әзерләүнең гомуми программасының бер өлеше булып тора.

Укыту-тренировка җыеннарының бер сменасы 21 көн дәвам итә. Вакытның күп өлешен яшь хоккейчылар җирдә һәм боз өстендә үткәрелә торган гамәли дәресләргә, ә ялларын сәламәтләндерү чараларына багышлыйлар.

2018 елдан башлап Академиянең Фәнни-методик үзәге яңа атналык микроцикл тәкъдим итте. Бу микроциклда яшь спортчының интенсив эш көне физиологик һәм психофизиологик сәламәтләндерү чаралары белән аралаштырыла.

Бер атналык микроцикл кысаларында бер ял көне каралган. Бу көнне иртәнге разминкадан кала бернинди күнегүләр дә үткәрелми. Сәламәтләндерү лагерьларына урнашкан балалар бу көнне лагерь тормышына чумалар: конкурсларда һәм викториналарда катнашалар, кичке күңел ачу программасын карыйлар. Шифаханә-профилакторийларда яшәүче балаларны бу көнне сәламәтләндерү процедуралары: массаж, ингаляция, фитодәвалану, бассейннар көтә.

2018 елдан башлап укыту-тренировка җыеннары программасына Академиянең когнитив нагрузкалар блогы кертелде. Профессиональ педагоглар җитәкчелегендә Академиядә тәрбияләнүчеләр көн саен, кимендә ике академик сәгать, махсус методикалар ярдәмендә хәтер һәм игътибарлыкларын арттыру, инглиз теле өйрәнү, сөйләм осталыгына төшенү дәресләрен алалар. Гомуми белем бирү программасына шулай ук сөйләмне үстерү, этикетның база нигезләрен өйрәнү дә керә. Интенсив тренировкалардан соң, хоккейчылар белем бирү эшчәнлегенә җиңелрәк күчсен өчен, барлык дәресләр интерактив формада үткәрелә.

1 нче рәсем. Бер тренировка көне кысаларында укыту-тренировка җыеннары чараларының вакытлар бүленеше

Чара    
Дәвамлылыгы    
1 БЯСМе командаларының яшь үзенчәлекләрен исәпкә алып төзелгән тренировкалар дәресе)/ЯХЛ командалары өчен күнегүләр дәресләре    
240 мин. /300 мин.
2 Көндезге йокы    
90 мин.
3 Сәламәтләндерү чаралары    
60 мин.
4 Тиз тернәкләндерү фазасы: күнегүләр көнендә һәр күнегү дәресеннән соң, иртәнге разминканы да кертеп, ярты сәгаттән дә ким булмаган вакыт. от 30 мин.
5 Когнитив ял итү 
90 мин.
6 Буш вакыт    
60 мин.